男人心聲

1

​Stephen

「我想同其他受害男士講,如果仲可以「傾得掂」,都傾埋佢,兩夫妻分開,對小朋友既影響好大,其實如果我無去到現在和老婆既關係狀況,我都選擇同佢「唔啱講到啱」,因為我真係好鍚個女。」 

2

Eric

「當佢係大庭廣眾之下,係咁鬧我,我個心好難受,想即刻搵個窿,鑽入去,男人老狗,係條街到,咁俾個女人鬧,我覺得自己好廢,好無用。

我試過搵心理醫生,搵輔導,但我老婆唔肯接觸佢哋,結果都係無用,所以我唔知可以點做。」 

在不受尊重及被欺凌的關係內,男士的前路,不得不把家庭放在自身的遭遇之上; 另一方面,在被欺凌的關係,就伴侶的情緒和暴力行為,找不到應對方法,顯得進退失據。

在男性文化之間,支援男士的途徑也只能限於相熟的親屬朋友。

我們希望透過此項服務,讓男士相信尋找協助是改變的開始,努力為當前困局另覓出路。

3

Ken

「她會不斷咁向我大叫大喝,又會打我。她發脾氣,周圍扔嘢,扔爛晒D嘢,仲整傷屋企人,情緒再高漲D,佢會去廚房,拎起把刀揮動。

為咗個女,我選擇繼續同佢一齊,因為希望有轉變既空間,我知我仲愛佢,但係生活在她身邊被折磨,真係好辛苦,好難頂。」

4

Peter

「每晚她放工返到嚟,就專登搵D事同我嗌交,我唔出聲,佢罵得大聲D,晚晚都嗌交嗌到三點、四點。朝早發現傷咗,我只可以對我既同事講我只係夜晚沖涼唔小心刮損,但實情係我太太整傷咗我。我無辦法照實同佢哋講。

係工作上,我無辦法同人講我既事,同朋友講,佢哋都好支持我,但去到尾,佢哋都唔知點做,我打去社會服務機構,起碼佢哋肯聽吓我呻吓。作為男人,面子問題,遇到呢D情況,根本就唔可以同人講。」

5

​Alex

「我太太以仔女威脅我。我唔符合佢要求,佢會打對仔女。佢要我俾佢所指定既數目(金錢),有一次,我拒絕,佢就唔俾我仔女去見我父母。每次當佢知道我有錢係手,佢就要我過數俾佢,仲要我不斷交代所有銀行記錄。

為咗唔想嘈唻嘈去,我順佢意思做,但佢就好似唔肯放過我咁,攞完又攞,到最後,我終於發火。」

地址 Address: 香港觀塘樂華南村安華樓地下B翼

Wing B, G/F, On Wah House, Lok Wah (South) Estate, Kwun Tong, Hong Kong

電郵 Email: heprojecthk@harmonyhousehk.org

​MAN 男士熱線: (+852) 2295 1386

MAN 男士WhatsApp: (+852) 6418 3405

負責機構:

捐助機構:

歡迎,你是第

位訪客

Copyright @ 2019 和諧之家 版權所有 不得轉載